Visakha: సారాలో విషం కలిపిన భార్య.. భర్త తాగుతుండగా స్నేహితుడి ఎంట్రీ.. చివరికి..

భర్త వేధింపులు భరించలేకపోయిన భార్య ఆయన తెచ్చుకున్న సారాలో పురుగుల మందు కలిపింది. ఆ విషయం తెలియని భర్త మరుసటి రోజు మద్యం తాగేందుకు రెడీ అవుతున్న సమయంలో అతని స్నేహితుడు వచ్చాడు. తనకు కూడా కొద్దిగా సారా ఇవ్వడంతో తాగి ఇద్దరూ ప్రాణాలు కోల్పోయారు. తొలుత నాటుసారా వల్ల చనిపోయారని అనుకున్నప్పటికీ పోలీసు విచారణలో షాకింగ్ విషయాలు వెల్లడయ్యాయి. ఈ దారుణ ఘటన జిల్లాలో వెలుగుచూసింది. జిల్లాలోని కొయ్యూరు మండలం కినపర్తి శివారు భీమవరానికి చెందిన జె.బాలరాజు పదేళ్ల కిందట మల్లయ్యమ్మను ప్రేమించి పెళ్లి చేసుకున్నాడు. కొన్నేళ్లు సాఫీగానే సాగిన కాపురంలో కలహాలు రేగాయి. భార్యాభర్తల నడుమ వివాదాలు జరుగుతున్నాయి. మద్యానికి బానిసైన బాలరాజు నిత్యం తాగొచ్చి భార్యని శారీరకంగా, మానసికంగా హింసించడం మొదలుపెట్టాడు. ఇటీవల వేధింపులు ఎక్కువవడంతో భరించలేకపోయిన మల్లయ్యమ్మ భర్తను చంపేయాలని నిర్ణయించుకుంది. Also Read: ఈ నెల 23న బాలరాజు ఫుల్లుగా తాగి మరుసటి రోజు తాగేందుకు బాటిల్‌లో సారా తెచ్చుకున్నాడు. అదే అదనుగా భావించిన భార్య సారాలో పురుగుల మందు కలిపింది. అది తెలియని భర్త మరుసటి రోజు సారా తాగుతుండగా కేడీపేటకి చెందిన స్నేహితుడు పైల వెంకటరత్నం నాయుడు రావడంతో తనకు కూడా ఇచ్చాడు. పురుగుల మందు కలిపిన విషయం తెలియక ఇద్దరూ తాగేసి మృత్యువాతపడ్డారు. ఇద్దరి మరణంపై అనుమానం రావడంతో పెద్దల సమక్షంలో భార్యని నిలదీయడంతో దారుణం వెలుగులోకి వచ్చింది. పోలీసులు మల్లయ్యమ్మను అరెస్టు చేసి రిమాండ్‌కి తరలించారు. Read Also:

By September 27, 2020 at 01:45PM

Read More https://telugu.samayam.com/latest-news/crime/wife-mixed-pesticide-in-liquor-husband-his-friend-died-in-visakhapatnam/articleshow/78345668.cms