ఆమె లేని జీవితం నాకొద్దు.. గుంటూరులో భర్త ఆత్మహత్య

కట్టుకున్న భార్య అర్ధాంతరంగా తనను వదిలేసి వెళ్లిపోవడాన్ని జీర్ణించుకోలేని భర్త అఘాయిత్యానికి పాల్పడ్డాడు. ఆమె లేని జీవితం తనకొద్దంటూ వారం రోజులకే ఆత్మహత్య చేసుకున్నాడు. ఈ అత్యంత విషాద ఘటన జిల్లా కారంపూడిలో చోటుచేసుకుంది. మండలంలోని గాదెవారిపల్లెకి చెందిన అశోక్(28)కి వివాహమై ఇద్దరు పిల్లలు. వారం రోజుల కిందట అతని భార్య ఆత్మహత్య చేసుకుని చనిపోయింది. భార్య బలవన్మరణంతో మనస్థాపం చెందిన అశోక్ తాను కూడా చనిపోవాలని నిర్ణయించుకున్నాడు. ఊరి చివర పొలాల్లోకి వెళ్లి చెట్టుకు ఉరి వేసుకుని ఆత్మహత్య చేసుకున్నాడు. చనిపోయే ముందు తన చావుకు ఎవరూ కారణం కాదని.. తన భార్య మరణాన్ని తట్టుకోలేక ఆత్మహత్య చేసుకుంటున్నానంటూ తీసుకున్న వీడియో కలచివేస్తోంది. తన ఇద్దరు బిడ్డలను ప్రభుత్వం ఆదుకోవాలని వీడియోలో కోరాడు. వీడియో సోషల్ మీడియాలో వైరల్ కావడంతో స్పందించిన పోలీసులు సంఘలన స్థలానికి చేరుకుని మృతదేహాన్ని పోస్టుమార్టం కోసం తరలించారు. కేసు నమోదు చేసుకుని దర్యాప్తు చేస్తున్నారు. Read Also: Also Read:

By September 15, 2020 at 10:54AM

Read More https://telugu.samayam.com/latest-news/crime/man-commits-suicide-over-wifes-death-in-guntur/articleshow/78119728.cms