అమెరికాలో వేగంగా వ్యాపిస్తోన్న కరోనా రక్కసి.. దక్షిణ కొరియా సాయం కోరిన ట్రంప్

అమెరికా అధ్యక్షుడు అత్యవసర అభ్యరన మేరకు పోరాటంలో తమ వంతు సహకారం అందజేస్తామని తెలిపింది. కొరియా సంస్థలకు అనుమతికి సహకరిస్తామని ట్రంప్ ఇచ్చిన హామీ మేరకు ఈ నిర్ణయం తీసుకుంది. అత్యంత వేగంగా కరోనా వైరస్ నిర్ధారణ పరీక్షలు నిర్వహించే పరికరాన్ని దక్షిణ కొరియా అభివృద్ధి చేసిన విషయ తెలిసింది. దక్షిణ కొరియా, అమెరికాలో ఒకే రోజు కరోనా వైరస్ కేసులు వెలుగుచూశాయి. ప్రస్తుతం దక్షిణ కొరియాలో కరోనా వైరస్ అదుపులో ఉంది. అమెరికాలో మాత్రం మహమ్మారి విజృంభిస్తోంది. సోమవారం ఒక్క రోజే 10వేల కేసులు బయటపడ్డాయంటే వైరస్ తీవ్రతకు అద్దం పడుతుంది. అమెరికాలో బాధితుల సంఖ్య 54,823వేలకు చేరుకోగా, శుక్రవారం వేలాది కేసులు నమోదయ్యాయి. మొత్తం 785 మంది ఈ వైరస్ కారణంగా ప్రాణాలు కోల్పోయారు. ఈ నేపథ్యంలో దక్షిణ రూపొందించిన కరోనా వైరస్ నిర్ధారణ కిట్‌కు అమెరికా ఫుడ్ అండ్ డ్రగ్ డెవలప్‌మెంట్ (ఎఫ్‌డీఏ) ఆమోదం తెలిపింది. కరోనా వైరస్ వెలుగుచూసిన చైనాలో ఇప్పటి వరకూ అత్యధిక కేసులు నమోదు కాగా.. ఇటలీలో ప్రాణ నష్టం ఎక్కువగా జరుగుతోంది. కానీ చైనా వెలుపల కరోనా విజృంభించిన తొలి దేశం డ్రాగన్‌కు పొరుగున ఉన్న దక్షిణ కొరియా. ఒకప్పుడు కొరియాలో కరోనా వ్యాప్తి చెందిన తీరు చూసి.. మరో చైనా అవుతుందని భావించారు. దక్షిణ కొరియాలో 9 వేల మందికి కోవిడ్ సోకగా.. ప్రస్తుతం 125 మంది ప్రాణాలు కోల్పోయారు. కానీ కొద్ది రోజుల్లోనే ఆ దేశం కోవిడ్‌ వ్యాప్తిని అదుపు చేసింది. ఇప్పుడు ఆ దేశం దాదాపుగా సాధారణ స్థితికి చేరుకుంది. కరోనా కట్టడి కోసం కొరియా తీసుకున్న చర్యలే దీనికి కారణం. కరోనాపై పోరాటం కోసం కొరియా పెద్ద సంఖ్యలో ప్రజలకు కరోనా పరీక్షలు నిర్వహించడంతోపాటు క్వారంటైన్‌లో ఉంచింది. కొరియాలో తొలి కరోనా కేసును జనవరిలో గుర్తించారు. కానీ ఆ కేసు బయటపడక ముందే వుహాన్‌లో కరోనా విజృంభిస్తున్న తీరును గమనించే కొరియా కంపెనీలు టెస్టు కిట్లను డెవలప్ చేయడం మొదలుపెట్టాయి. కొరియాలో కరోనా పేట్రేగే సమయానికి రోజుకు పది వేల మందికిపైగా పరీక్షలు చేసే స్థాయికి ఆ దేశం చేరుకుంది. టెస్టింగ్ సెంటర్లతోపాటు హాస్పిటళ్లలో ఫోన్ బూత్‌లను ఏర్పాటు చేశారు. ఓ ప్రదేశంలో కరోనా కేసులు నమోదైతే.. ఆ పరిసర ప్రాంతాల్లోని ప్రజలకు మొబైల్ ఫోన్ ద్వారా సందేశాలు పంపి.. అటు వెళ్లకుండా అప్రమత్తం చేశారు. కనీసం 15 కొరియా సంస్థలు కరోనా వ్యాక్సిన్ తయారీలో తలమునకలై ఉన్నాయి.

By March 25, 2020 at 12:16PM

Read More https://telugu.samayam.com/latest-news/india-news/us-president-donald-trump-seeks-south-koreas-help-for-medical-equipment-to-tackle-coronavirus/articleshow/74805911.cms