అమెజాన్ ప్రైమ్‌లో ‘సాహో’.. రిలీజ్ డేట్ ఫిక్స్

రెబల్ స్టార్ ప్రభాస్, బాలీవుడ్ బ్యూటీ శ్రద్ధా కపూర్ జంటగా నటించిన భారీ చిత్రం ‘సాహో’. సుజీత్ దర్శకత్వం వహించారు. ఇండియాస్ బిగ్గెస్ట్ యాక్షన్ మూవీగా చెప్పుకున్న ‘సాహో’ డిజిటల్ స్ట్రీమింగ్ రైట్స్‌ను అమెజాన్ ప్రైమ్ వీడియో సొంతం చేసుకున్న సంగతి తెలిసిందే. నాలుగు భాషల స్ట్రీమింగ్ హక్కులను అమెజాన్ రూ.42 కోట్ల భారీ ధరకు కొనుగోలు చేసింది. అమెజాన్ ప్రైమ్ వీడియో ఇండియా చరిత్రలో ఇదే అతిపెద్ద డీల్. అయితే, ‘సాహో’ సినిమాను ప్రేక్షకులు అమెజాన్ ప్రైమ్ వీడియోలో చూసే టైమ్ వచ్చేసింది. ఈ మేరకు విడుదల తేదీని అమెజాన్ ప్రైమ్ ప్రకటించింది. ఈనెల 19 నుంచి తెలుగు, తమిళం, కన్నడ, మలయాళం భాషల్లో ‘సాహో’ స్ట్రీమింగ్ మొదలుకానుంది. హిందీ వర్షన్ మాత్రం ‘నెట్‌ఫ్లిక్స్’లో అందుబాటులో ఉంటుంది. Also Read: కాగా, భారీ బడ్జెట్‌తో తెరకెక్కిన ‘సాహో’కు ప్రేక్షకుల నుంచి మిశ్రమ స్పందన వచ్చింది. విమర్శకులైతే సినిమాను తీసిపారేశారు. అయినప్పటికీ కలెక్షన్ల వర్షం కురిపించింది. ప్రపంచ వ్యాప్తంగా ఈ చిత్రం రూ.424 కోట్లకు పైగా గ్రాస్ వసూలు చేసింది. అయితే, తెలుగు రాష్ట్రాల్లో చాలా చోట్ల ‘సాహో’ నష్టాలే మిగిల్చింది. బాలీవుడ్‌లో మాత్రం లాభాలు తెచ్చిపెట్టింది.

By October 16, 2019 at 12:41PM

Read More https://telugu.samayam.com/telugu-movies/cinema-news/prabhass-saaho-movie-amazon-prime-video-release-date-locked/articleshow/71610704.cms