USA Election Result Counting: వందేళ్లలో ఎన్నడూ లేనంతగా ఓటింగ్.. కొనసాగుతన్న ఓట్ల లెక్కింపు

⍟ అమెరికా అధ్యక్ష ఎన్నికల ఓట్ల లెక్కింపు కొనసాగుతుండగా.. డొనాల్డ్ ట్రంప్‌పై డెమొక్రాట్ అభ్యర్థి జో బిడెన్ స్వల్ప ఆధిక్యంలో కొనసాగుతున్నారు. ఇప్పటి వరకు బైడెన్‌కు 119 ఎలక్టోరల్ ఓట్లు రాగా.. రిపబ్లికన్ అభ్యర్థి ట్రంప్‌నకు 92 ఓట్లు వచ్చాయి. న్యూయార్క్ రాష్ట్రంలో బైడెన్ విజయం సాధించారు. ⍟ పెన్సిల్వేనియా, విస్కాన్సిన్‌, జార్జియా, నార్త్‌ కరోలైనా, అరిజోనా రాష్ట్రాల ఫలితాలే నూతన అధ్యక్షుడెవరో తేల్చబోతున్నాయి. ఇప్పటికే జార్జియా, మిచిగాన్‌లో ట్రంప్ ముందంజలో ఉన్నారు. ⍟ అమెరికా చరిత్రలో అత్యంత ప్రతిష్ఠాత్మకంగా భావిస్తున్న ప్రస్తుత అధ్యక్ష ఎన్నికలకు పోలింగ్ ముగిసింది. ఓటేసేందుకు పోలింగ్‌ కేంద్రాలకు జనం భారీగా తరలివచ్చారు. కొవిడ్‌-19 భయం వెన్నాడుతున్నా ఓపిగ్గా గంటల కొద్దీ పోలింగ్ కేంద్రాల వద్ద పడిగాపులు కాసి ఓటుహక్కును వినియోగించుకున్నారు. గత వందేళ్లలో ఎన్నడూ లేనివిధంగా పలు రాష్ట్రాల్లో అత్యధిక శాతం పోలింగ్ నమోదయ్యింది. పోలింగ్ ముగియడంతో ఓట్ల లెక్కింపు ప్రక్రియ ప్రారంభమయ్యింది. అటు ట్రంప్, ఇటు బైడెన్ విజయంపై ధీమాగా ఉన్నారు. ⍟ ఓటింగ్‌కు ముందు రోజే దాదాపు 10 కోట్ల మంది మెయిల్‌ బ్యాలెట్ల రూపంలో ఓటేశారు. మొత్తం 50 రాష్ట్రాల్లో 538 ఎలక్ట్రోరల్ ఓట్లుండగా అత్యధికం ఓట్లు గెలుచుకున్నవారికే అధ్యక్ష పీఠం దక్కనుంది. ఎక్కువ ఎలక్టోరల్ ఓట్లున్న రాష్ట్రాలు విజయంలో కీలకం పాత్ర పోషించనున్నాయి. అత్యధికంగా కాలిఫోర్నియాలో 55, టెక్సాస్ 38, న్యూయార్క్ 29, ఫ్లోరిడాలో 29, పెన్సిల్వేనియాలో 20, ఇల్లినాయిస్‌లో 20 ఉన్నాయి. 10 కంటే తక్కువ ఓట్లున్న రాష్ట్రాలు 30 వరకు ఉన్నాయి. ⍟ బుధవారం ఉదయానికి పోలింగ్ ముగియడంతో ఆ వెంటనే లెక్కింపు ప్రారంభమయ్యింది. ఇప్పటి వరకు వెల్లడయిన ఫలితాల ప్రకారం కెంటకీ, ఇండియా, ఓక్లహామా, సౌత్ కరోలినా, వెస్ట్ వర్జీనియా, టెన్నెసీ విజయం సాధించగా.. వర్జీనియా, వెర్మాంట్, మేరీ‌ల్యాండ్‌లో డెమో బైడెన్ విజయం సాధించారు. అయితే, ప్రస్తుత ట్రెండ్ వాస్తవ ఫలితాలను ప్రతిబింబిస్తాయన్న నమ్మకం మాత్రం లేదు. ఎందుకంటే ఈసారి పోలైన మొత్తం ఓట్లలో పోస్టల్‌ బ్యాలెట్లది సింహభాగం. వాటిని లెక్కించేందుకు కొన్ని రాష్ట్రాల్లో రోజులు..అవసరమైతే వారాలు పట్టే అవకాశం ఉంది. ⍟ చిన్న రాష్ట్రాల్లోని పలు కేంద్రాల్లో మంగళవారం మధ్యాహ్నానికే ఓట్ల లెక్కింపు ప్రక్రియ పూర్తయింది. న్యూ హాంప్‌షైర్‌ రాష్ట్రంలోని బుల్లి డిక్స్‌విల్లెనాచ్‌ పట్టణంలో మొత్తం ఐదు ఓట్లనూ గెల్చుకోవడం ద్వారా బైడెన్‌ తొలి విజయాన్ని తన ఖాతాలో వేసుకున్నారు. మిల్స్‌ఫీల్డ్‌ టౌన్‌షిప్‌లో ట్రంప్‌ 16 ఓట్లు దక్కించుకోగా, బైడెన్‌కు ఐదు ఓట్లే వచ్చాయి.

By November 04, 2020 at 07:41AM

Read More https://telugu.samayam.com/latest-news/international-news/us-presidential-election-2020-results-vote-counting-live-updates-in-telugu/articleshow/79032483.cms