కమలా హ్యారిస్: తొలుత అధ్యక్ష పీఠంపైనే గురి.. జో బైడెన్పైనే విమర్శలు
అమెరికా అధ్యక్ష ఎన్నికల్లో డెమొక్రటిక్ అభ్యర్ధి విజయం సాధించడంతో ఉపాధ్యక్ష పదవిని భారత సంతతి మహిళ చేపట్టనున్నారు. అయితే, కమల తొలుత అధ్యక్ష పీఠంపైనే దృష్టిపెట్టారు. డెమొక్రాటిక్ పార్టీ అధ్యక్ష అభ్యర్థిగా తాను పోటీ చేస్తానంటూ గత ఏడాది కాలిఫోర్నియాలోని ఆక్లాండ్లో 20వేల మంది సమక్షంలో జరిగిన సభలో ప్రకటించారు. పార్టీ అభ్యర్థిగా తననే ఎంచుకోవాలంటూ ప్రచారం చేశారు. ఈ సందర్భంగా బైడెన్పైనే ఆమె విమర్శలు గుప్పించారు. అయితే, చివరకు కొన్ని విషయాల్లో బైడెన్తో సమానంగా సమాధానాలు ఇవ్వలేక పార్టీ మద్దతు పొందలేకపోయారు. దీంతో అధ్యక్ష అభ్యర్ధిగా తప్పుకుంటున్నట్టు కమలా ప్రకటించారు. పలు కారణాలతో ఆమె పోల్ నంబర్స్ బాగా తగ్గాయి. ఈనేపథ్యంలో ప్రచార నిధులు లేనందున.. అధ్యక్ష అభ్యర్థిత్వ రేసు నుంచి తప్పుకొంటున్నట్లు 2019 డిసెంబరులో కమల ప్రకటించారు. ఇది జరిగిన మూడు నెలలకు ఆమెనే ఉపాధ్యక్ష అభ్యర్థిగా ఎంచుకున్నట్లు బైడెన్ ప్రకటించారు. కానీ, ఉపాధ్యక్ష పదవికి ఒక మహిళను ప్రతిపాదించనున్నట్లు గతంలో జో బిడేన్ ప్రకటించారు. ఎవ్వరూ ఊహించని విధంగా కమలా హ్యారిస్ పేరును ప్రకటించి ఆశ్చర్యంలో ముంచెత్తారు. సూసన్ రైస్ లేదా కరేన్ బాస్ లేదా మరొకరెవరో కాకుండా కమలా హ్యారిస్ను ఎందుకు ఎంపిక చేసుకున్నారు? అనే సందేహాలు వ్యక్తమయ్యాయి. అయితే, హ్యారిస్ను తాను ఎందుకు ఎంపిక చేశాననే విషయాన్ని బైడెన్ స్వయంగా వెల్లడించి వారి సందేహాలకు తెరదించారు. ‘ఇండియా - జమైకా సంతతికి చెందిన అమెరికా మహిళ కమలా హ్యారిస్..నాతో పాటు పనిచెయ్యడానికి తెలివైన, దృఢమైన, నాయకత్వం వహించడానికి సిద్ధంగా ఉన్న వ్యక్తి కావాలి.. కమలా అందుకు తగినవారు. కమలా హ్యారిస్కు ప్రధాన లక్షణాలన్నీ ఉన్నాయి. ఆమె ఒక నల్లజాతి మహిళ, వలసదారుల కుటుంబం నుంచి వచ్చారు.. జాతీయ స్థాయిలో ఆమె నాయకత్వ లక్షణాలను ఇదివరకే నిరూపించుకున్నారు. ఒక వ్యాఖ్యత అన్నట్టుగా మొదటిరోజు నుంచే ప్రభుత్వాన్ని సమర్థవంతంగా నడించగలిగే సత్తా ఉన్న వ్యక్తి.. జాత్యాహంకారానికి వ్యతిరేకంగా, వలసదారులకు మద్దతుగా నిలిచే ప్రగతశీలత ఉన్నవారంతా కమలా హ్యారిస్కు మద్దతు పలికే అవకాశం ఉంది. ఆమె న్యాయశాస్త్రంలో డిగ్రీ పొందారు.. శాన్ ఫ్రాన్సిస్కో సిటీ అటార్నీగా పనిచేశారు. తరువాత కాలిఫోర్నియా అటార్నీ జనరల్గా కొనసాగారు. ఆమె వాక్పటిమ, సంభాషణా చాతుర్యం, వాదనా పటిమతో చాలా తక్కువ సమయంలోనే ప్రజాకర్షణ పొందిన జాతీయ స్థాయి నాయకురాలిగా ఎదిగారు. కమలా హ్యారిస్ ఆన్లైన్ కార్యకలాపల్లో చాలా చురుకుగా ఉంటారు.. డెమొక్రటిక్ ప్రెసిడెంట్గా పోటీ చేసినప్పుడు ఆవిడ ప్రదర్శించిన నైపుణ్యాన్ని దేశ ప్రజలంద గమనించారు. "ఇంటెలిజెన్స్, జ్యుడీషయరీ విభాగాల్లో ఆమె ఒక దృఢమైన, సమర్థవంతమైన సెనేటర్గా గుర్తింపు పొందారు’ అని బిడెన్ ప్రచార ఈమెయిల్లో తెలిపారు. ‘నేరస్థులను శిక్షించడంలోనూ, వివాహ వ్యవస్థలో సమానత్వం తీసుకురావడంలోనూ ఆమె గొప్ప నాయకత్వ లక్షణాలను ప్రదర్శించారు. కరోనావైరస్ మహమ్మారి వ్యాప్తి సందర్భంగా తలెత్తిన జాతి అసమానతల పట్ల ఆమె చాలా కఠినంగా వ్యవహరించారు’ అని ఈమెయిల్లో పేర్కొన్నారు.
By November 08, 2020 at 06:26AM
No comments