‘కలర్ ఫోటో’ సినిమాలో మనసుకు హత్తుకునే ఈ డైలాగులు విన్నారా
కరోనా వైరస్ కారణంగా సుమారు 8 నెలలుగా సినిమా థియేటర్లు మూతపడ్డిన సంగతి తెలిసిందే. దీంతో వినోదం లేక నిరాశ పడిన ప్రేక్షకుల కోసం కొన్ని సినిమాలను ఓటీటీ ప్లాట్ఫామ్స్లో విడుదల చేశారు. అయితే భారీ అంచనాల మధ్య విడుదలైన వి, నిశ్శబ్ధం లాంటి సినిమాలు సరిగ్గా అలరించలేకపోయాయి. దీంతో ఓటీటీల ద్వారా విడుదలయ్యే సినిమాలు హిట్ సాధించలేవన్న సెంటిమెంట్ బలపడుతున్న సమయంలో వచ్చిన ‘’ వాటిని బ్రేక్ చేసింది. సుహాస్, జంటగా తెరకెక్కిన ఈ సినిమా తెలుగు ప్రేక్షకులను నవ్వించి, కవ్వించి... చివర్లో అందరి చేత కంటతడి పెట్టించింది. ఈ సినిమాలో పాత్రల సంభాషణల మధ్య వచ్చే కొన్ని డైలాగులు మనసుకు హత్తుకునేలా ఉన్నాయి. వాటిలో కొన్నింటికి చూద్దాం. * మొగుడి దగ్గర మనసు దాచుకోగలం.. కానీ ఒళ్లు దాచలేం. *ఈ ప్రపంచం మొత్తమ్మీద స్వచ్ఛమైన వాటిలో రెండోది అమ్మాయి నవ్వు. మొదటిది ఓ మగాడి కన్నీళ్లు. * నీరు పట్టిన చద్దన్నం ఆకలి తీర్చకపోవచ్చు.. కానీ కుడితి కలిపి పెడితే ఆవులు ఆవురావురుమంటూ తాగుతాయి. అలాగే మురికి నీళ్లు మనకు దాహం తీర్చకపోవచ్చు.. కానీ నిప్పును ఆర్పుతాయి. ప్రపంచంలో ఏదీ ఊరికే పోదు అన్నీ ఉపయోగపతడాయి. * అబ్బాయిలకు మందు, సిగరెట్ ఎలాగో అమ్మాయిలకి కూడా ఓ వ్యసనం ఉంటుంది తెలుసా.. ఒక్కసారి ఎవరైనా చూస్తున్నారని డౌట్ వస్తే మళ్లీ మళ్లీ చూస్తున్నారో లేదోనని టెన్షన్ పడిపోతాం.. అది గనుక అలవాటు అయిపోయిందనుకో అంతే ఇక * ప్రేమించిన వారిని అందనంత ఎత్తులో నిలబెట్టడమే నిజమైన ప్రేమ. * భార్య ఏడిస్తే చూడాలనుకునే ప్రతి భర్త శాడిస్ట్ కాదురా * మూతి పళ్లు రాలకొట్టుకోవడానికి ఏ రాయి అయితే ఏంటని? * 1969లో నీల్ ఆర్మ్ స్ట్రాంగ్ అనే వ్యక్తి నానా సంకలు నాకి చంద్రుడి మీద కాలు పెడితే .. మీరేమో ఇంకా ఆకాశమే హద్దు అనుకుంటారు.. మీకు ఆకాశం కావాలి.. మాకేమో అంతరిక్షం కావాలి.. అందుకే పెద్దల మాట వినాలి. * ఒక చీమ ఆయుష్షు పదిహేను సంవత్సరాలు. అలాంటి చీమను మనం వేళ్ల మధ్య పెట్టి నలిపేస్తున్నాం. పక్కోడి ప్రేమ కూడా అంతే వేళ్ల మధ్య నలుపుతున్న చీమకి తెలుసు ఆ బాధ * ఆడపిల్ల ఇంట్లో ఉన్న మనిషి.. ఈ సముద్రం గట్టున నిల్చున్న మనిషి ఇద్దరూ ఒకటే సముద్రం వచ్చి చల్లగా మన కాళ్లు కడుగుతోందని అనుకుంటాం. కానీ మనకే తెలియకుండా కాళ్ల కింద ఇసుకని వెనక్కి లాగేసుకుని పోతుంది. * పెళ్లి తర్వాత గొడవలు జరుగుతూ ఉంటాయి. కొన్ని మాటలతో ఆగిపోతాయి.. కొన్ని బెల్టు దాకా వెళ్తాయి. కానీ రాత్రి అయితే మనమే కావాలి. సిగరెట్, మందు వాసనలు అన్నీ భరించాలి * గెలుపు ఆనందాన్ని ఇస్తుంది.. ఓటమి ఆలోచనని ఇస్తుంది. ఓడిపోయిన ప్రతి ఒక్కడు అనుకుంటాడు. అరెరే ఇంకొంచెం ట్రై చేసి ఉంటే గెలిచేవాడినేమో అని ఏడ్చి ఏడ్చి కన్నీళ్లు ఇంకిపోయిన వాళ్లు కూడా ఉంటారు * ఒకరిని ఒకరు సపోర్ట్ చేసుకుని ఇంకొకరిని హీరోని చేయడం కథల్లోనే బాగుంటుంది. * నువ్వు కచ్చితంగా వెయిట్ చేస్తే నీకు పుట్టబోయే కూతురు తెల్లగానే పుడుతుంది అని చెప్తే 18 నెలలైనా మోయడానికి రెడీగా ఉండే మనుషుల మధ్య బ్రతుకుతున్నాం. * చెయ్యి మడిస్తే కండ పడాలి. నవ్వితే బుగ్గ మీద సొట్ట పడాలి. గాలికి జుట్టు ఎగరాలి. వంగుని అరికాలిని తాకగలగాలి వీటన్నింటినీ మనం అందం అనుకోవడం మానేస్తేనే బాగుపడతాం.
By November 05, 2020 at 12:40PM
No comments