ఐసోలేషన్తోనే కరోనా వ్యాప్తిని 89 శాతం అడ్డుకోవచ్చు.. ఐసీఎంఆర్ స్టడీలో ఆసక్తిక విషయాలు
సామాజిక దూరం పాటించడం, స్వీయ నిర్బంధం వల్ల ముప్పును 89 శాతం తగ్గించవచ్చని ఇండియన్ కౌన్సిల్ ఆఫ్ మెడికల్ రిసెర్చ్ (ఐసీఎంఆర్) మ్యాథమెటికల్ మోడల్ నివేదిక తెలిపింది. గృహ నిర్బంధం, సామాజిక దూరం లాంటి చర్యలను కఠినంగా అమలు చేస్తే కరోనా వైరస్ కేసుల సంఖ్యను కనిష్ఠంగా 62 శాతం నుంచి గరిష్టంగా 89 శాతం వరకు తగ్గించవచ్చని తెలిపింది. దీని వల్ల వైరస్ తీవ్రను తగ్గించడానికి ఎక్కువ అవకాశాలు ఉన్నాయని నిర్వహించిన మ్యాథమెటికల్ మోడల్లో వెల్లడయ్యింది. ఎంట్రీ పాయింట్ల వద్ద ప్రయాణికులను పరీక్షించడం వల్ల సమూహాలలోకి వైరస్ ప్రవేశించడం మూడు రోజుల నుంచి మూడు వారాల వరకు ఆలస్యం అవుతుందని అధ్యయనం ఫలితాలు సూచిస్తున్నాయి. ఏది ఏమైనప్పటికీ కోవిడ్ -19 వ్యాప్తిని నియంత్రించడానికి ప్రజారోగ్య చర్యలు, ఆరోగ్య వ్యవస్థ, సమాజ సంసిద్ధత కీలకమని తేల్చింది. కరోనా వైరస్ వ్యాప్తి ప్రాథమిక వివరాలు, అవగాహన ఆధారంగా ఫిబ్రవరిలో ఐసీఎంఆర్ ఈ అధ్యయనం నిర్వహించింది. అయితే, ఇలాంటి అధ్యయనాలు అంతగా విశ్వసనీయత కలిగి ఉండకపోయినా, ప్రభావాన్ని తగ్గించడం లేదా సంక్షోభాన్ని పరిష్కరించడానికి సహాయపడే దశలను సూచించడంలో ఉపయోగపడతాయని నిపుణులు అంటున్నారు. ఐసీఎంఆర్ అంటువ్యాధుల విభాగం చీఫ్ డాక్టర్ ఆర్ ఆర్ గంగాఖేడ్కర్ సారథ్యంలో ఈ అధ్యయనాన్ని ఫిబ్రవరిలో చేపట్టారు. అప్పటికి దేశంలో కరోనా వైరస్ కేసులు సంఖ్య ఎక్కువగా లేకపోయినా, భారతదేశంలో కోవిడ్-19 వ్యాప్తి నియంత్రణకు తీసుకోవాల్సిన చర్యల గురించి వివరించింది. థర్మల్ స్క్రీనింగ్, లాక్డౌన్లను ఈ అధ్యయనం సూచించిందని డాక్టర్ గంగాఖేడ్కర్ పేర్కొన్నారు. జనాభాలో ఎంత త్వరగా కరోనా వైరస్ వ్యాప్తి చెందుతుందో నిర్ణయించే సంఖ్య ఆధారంగా దాని లక్షణాలను నిర్ణయించారు. కరోనా వైరస్ బాధితుల్లో మరణాల శాతం 1 కంటే తక్కువ అవకాశం ఉంది. ‘మ్యాథమెటికల్ మోడల్ ద్వారా దేశంలో కరోనావైరస్ వ్యాధి -2019 వ్యాప్తి.. నియంత్రణకు తీసుకోవాల్సిన చర్యలు, ప్రజారోగ్య వ్యూహాలు’ పేరుతో ఈ అధ్యయనం నిర్వహించారు.
By March 25, 2020 at 11:16AM
No comments