రూ.3లక్షల అప్పుకు రూ.8లక్షల వసూలు.. అయినా కోరిక తీర్చాలంటూ మహిళకు వేధింపులు

పిల్లల చదువు కోసం తీసుకున్న అప్పు ఆమె పాలిట శాపమైంది. తీసుకున్న అప్పు వడ్డీతో సహా సకాలంలో తీర్చేసినా ఆ వ్యాపారి కోరిక తీర్చాలంటూ ఆమెను వేధించడం మొదలుపెట్టాడు. ప్రభుత్వోద్యోగినిగా పనిచేస్తున్నప్పటికీ తనకు ఎదురవుతున్న వేధింపులు తాళలేక ఆమె ఆత్మహత్యకు యత్నించింది. ఎస్పీ కార్యాలయంలో సోమవారం నిర్వహించిన ‘స్పందన’ కార్యక్రమంలో ఈ ఘటన కలకలం రేపింది. Also Read: గుంటూరు కలెక్టరేట్‌లోని జిల్లా ట్రెజరీ కార్యాలయంలో షేక్‌ అజీమున్నీసా సీనియర్‌ అసిస్టెంట్‌‌గా పనిచేస్తోంది. 2009లో భర్త హుసేన్‌ చనిపోవడంతో ఆమెకు ఉద్యోగం వచ్చింది. ఇద్దరు పిల్లల చదువు నిమిత్తం స్వగ్రామం నరసరావుపేటకు చెందిన ఇన్నమూరి మాధవరావు ద్వారా వడ్డీ వ్యాపారి మట్టా ప్రసాద్ వద్ద రూ.5 వడ్డీకి రూ.3 లక్షలు అప్పు తీసుకుంది. దీనికోసం ఖాళీ ప్రామిసరీ నోట్లు, చెక్కులిచ్చింది. మగతోడు లేని సంసారం కావడంతో వడ్డీ వ్యాపారి ఆమెపై కన్నేశాడు. Also Read: వడ్డీ నెలకు రూ.15వేలు కచ్చితంగా చెల్లిస్తున్నా ఆమె ఏటీఎం కార్డు తీసుకున్నాడు. అప్పు తీర్చాకే కార్డు ఇస్తానని చెప్పి దాన్ని నుంచి రెండున్నర సంవత్సరాల పాటు నెలనెలా రూ.30వేల చొప్పున డ్రా చేసుకున్నాడు. దీంతో ఆమె తీసుకున్న రూ.3లక్షల అప్పుకు.. ఏకంగా రూ.8లక్షలు వసూలు చేశాడు. ఇదేంటని నిలదీసిన ఆమెపై తప్పుడు కేసు పెట్టాడు. అది చాలదన్నట్లు రాత్రివేళల్లో ఫోన్ చేసి నీ భర్త లేదు కదా.. నా కోరిక తీర్చు అంటూ అసభ్యంగా మాట్లాడేవాడు. వడ్డీ వ్యాపారి వేధింపులు భరించలేకపోయిన షేక్‌ అజీమున్నీసా సోమవారం గుంటూరు రూరల్ ఎస్పీ కార్యాలయంలో నిర్వహించిన ‘స్పందన’ కార్యక్రమానికి వచ్చి ఫిర్యాదు చేసింది. Also Read: అనంతరం అక్కడే నిద్రమాత్రలు మింగేసి ఆత్మహత్యాయత్నం చేసింది. అక్కడి వారు వెంటనే స్పందించి గుంటూరు జీజీహెచ్‌కు తరలించారు. ప్రస్తుతం ఆమె పరిస్థితి నిలకడగానే ఉన్నట్లు డాక్టర్లు తెలిపారు. వడ్డీ వ్యాపారి వేధింపుల విషయాన్ని సీరియస్‌గా తీసుకున్న రూరల్ ఎస్పీ సీహెచ్‌ విజయారావు వెంటనే నిందితుడిని అరెస్ట్ చేయాలని సిబ్బందిని ఆదేశించారు. అలాగే జిల్లాలో అక్రమంగా వడ్డీ వ్యాపారం చేస్తున్న వారి వివరాలు సేకరించాలని సూచించారు. Also Read:

By November 19, 2019 at 09:02AM

Read More https://telugu.samayam.com/latest-news/crime/guntur-woman-suicide-attempt-over-sexual-harassment/articleshow/72119285.cms