ఇద్దరితో ప్రేమాయణం... మందలించిన తల్లిని హత్యచేసి ప్రియుళ్లతో రాసలీలలు

ప్రేమ మోజులో పడిన యువతికి కన్నతల్లి చెప్పిన మాటలు వినిపించలేదు. యుక్త వయస్సులో ప్రేమ పేరుతో భవిష్యత్తును నాశనం చేసుకోవద్దని తల్లి చెప్పిన మాటలు ఆమె కర్ణకఠోరంగా వినిపించాయి. తన సంతోషానికి తల్లి అడ్డొస్తుందనుకుని ప్రియుడితో కలిసి చంపేసింది. ఈ దారుణ ఘటన యాదాద్రి భువనగిరి జిల్లాలో చోటుచేసుకుంది. Also Read: రామన్నపేటకు చెందిన పల్లెర్ల శ్రీనివాస్‌రెడ్డికి భార్య రజిత(38), కూతురు కీర్తి ఉన్నారు. లారీ డ్రైవర్‌గా పనిచేసే శ్రీనివాస్‌రెడ్డి కొంతకాలంగా కుటుంబంతో కలిసి హైదరాబాద్‌ నగర శివారులోని మునగనూర్ గ్రామంలో నివసిస్తున్నాడు. కీర్తి కొంతకాలంగా స్థానికంగా ఉండే ఇద్దరు యువకులతో ప్రేమ వ్యవహారం నడిపిస్తోంది. ఒకరికి తెలియకుండా మరొకరితో ఛాటింగ్ చేయడం, సినిమాలు, షికార్లకు వెళ్లడం చేస్తోంది. ఈ విషయం తెలుసుకున్న తల్లి రజిత కూతురిని మందలించింది. Also Read: ఈ క్రమంలోనే శ్రీనివాస్‌రెడ్డి కొద్దిరోజుల క్రితం డ్యూటీ నిమిత్తం వేరే ప్రాంతానికి వెళ్లడంతో ఇంట్లో తల్లీకూతుళ్లే ఉన్నారు. మూడు రోజుల క్రితం ప్రేమ వ్యవహారంపై ఇద్దరి మధ్య గొడవ జరిగింది. దీంతో తన సంతోషానికి తల్లి అడ్డొస్తుందనుకున్న కీర్తి ఓ ప్రియుడి సాయంతో రజితను చంపేసింది. తాను వైజాగ్‌ టూర్‌కి వెళ్తున్నానని తండ్రికి ఫోన్ చేసి చెప్పిన కీర్తి.. తల్లి మృతదేహం పక్కనే ప్రియుడితో మూడురోజుల పాటు రాసలీలలు కొనసాగించింది. దుర్వాసన వస్తుండటంతో ప్రియుడి సాయంతో తల్లి మృతదేహాన్ని రామన్నపేటకు తీసుకెళ్లి రైల్వే ట్రాక్ పక్కన పడేసి ఆత్మహత్యగా చిత్రీకరించింది. Also Read: భార్య చనిపోయిందన్న విషయం తెలుసుకున్న శ్రీనివాస్‌రెడ్డి వెంటనే ఇంటికి చేరుకుని కూతుర్ని నిలదీయడంతో తానే చంపినట్లు అంగీకరించింది. దీంతో ఆయన పోలీసులకు ఫిర్యాదు చేశాడు. పోలీసుల విచారణలోనూ తల్లిని తానే చంపినట్లు కీర్తి అంగీకరించడంతో పోలీసులు ఆమెపై హత్యకేసు నమోదు చేసి రిమాండ్‌కు తరలించారు. కీర్తి తన తల్లిని హత్యచేసేందుకు సహకరించిన యువకుడితో పాటు మరో ప్రియుడితోనూ మూడు రోజుల పాటు రాసలీలలు కొనసాగించినట్లు తెలుస్తోంది. హత్యలో ఇద్దరు యువకుల పాత్రపైనా విచారణ సాగిస్తున్నారు. Also Read:

By October 28, 2019 at 08:46AM

Read More https://telugu.samayam.com/latest-news/crime/young-woman-kills-mother-with-help-of-lover-in-hyderabad/articleshow/71788645.cms